اسلام آباد 14 مئي (اے پي پي)وزيراعظم شهباز شريف به نن د اتوار په ورځ د متحده عرب امارات دوره كوي او د متحده عرب امارات صدر شېخ خليفه بن زيد النهيان په مړينه به غمرازي او لاس نيوه كوي۔د وزيراعظم آفس مېډيا ونګ لخوا جاري شوي بيان له مخې وزيراعظم به د پاكستان مشرتابه٬حكومت او اولس لخوا د غمرازۍ پېغام رسوي۔پاكستان او متحده عرب امارات د دوستۍ نزدې اړيكې لري٬د شېخ خليفه بن زيد النهيان په مشرۍ كښې د دواړو هېوادونو اړيكې نوې لوړې كچې ته رسېدلي۔هغه د پاكستان يو مخلص دوست ؤ ۔هغه به د پاكستان حكومت او اولس تل ياد ساتي۔د عرب امارات اولس سره د يو والي څرګندونې لپاره د پاكستان حكومت په سركاري كچه د درې ورځني غم اعلان كړے او په دې مهال به قامي بېرغ ټېټ ساتلے شي۔
مضمون کا ماخذ : سانتا کی جنگلی سواری۔
