اسلام آباد۔18نومبر(اے پی پی)وفاقی وزیر اطلاعات و نشریات سینیٹر شبلی فراز آکھیے جو بنارسی ٹھڳاں دے ٹولے پی ڈی ایم پہلا ایڈیشن مکمل ناکام تھیوݨ تے ݙوڄھا ایڈیشن پیش کیتے ، اپوزیشن دیاں بدحواسیاں توں لڳدے جو انہاں دا چیتا بھئوں ڳئے، گل??ت بلتستان اچ انہاں کوں ہار برداشت نئیں تھیندی پئی اتے اے بھوندے ودن، الزامات ت?? شبر زیدی دی تردید دے بعد مولانا فضل الرحمان کوں معافی منڳ ڳھݨی چاہیدی اے بھل مولانا دا ایݙا ظرف کاعنی جو اپݨی غلطی منن۔ اسلام آباد اچ پریس کانفرنس کریندے انہاں آکھیا جو پی ڈی ایم اکٹھ اچ کئی دراڑاں پئے ڳین، فضل الرحمان ،مسلم لیگ ن اتے پیپلز پارٹی دی سوچ اتے بیانیے ہی آپت اچ ٹھاک ڳین، مولانا اسلام دے خود ساختہ ٹھیکیدار بݨ تے اسلام دے ناں تے سیاست اتے سیاست دے ناں تے وپار کریندے پین، انہاں کوں تاں کور نعیں مارݨے چاہیدے، مولان دی جماعت گل??ت اچ ہک وی سیت نئیں جیتی ول انہاں نال دھاندلی کیویں تھی ڳئی، گل??ت دے لوکاں تاں انہاں کوں ڳھاہ وی نئیں ڳھتیا،مولانا کرونا کوں ٻہانہ قرار ݙیندے جلسے جاری رکھݨ دا اعلان کیتے تاں ایندے توں ??چݨ دا اسلامی نسخہ وی ݙسا ݙیندے، لوکاں توں اپیل اے جو اپوزیشن دے ولے اچ نہ آون اتے کرونا دی ودھ احتیاط ورتن، ول ول مسترد تھیوݨ دے باوجود اے کیہڑے نک نال جلسے اتے احتجاج کریندن
بنارسی ٹھڳاں دے ٹولے پی ڈی ایم پہلا ایڈیشن مکمل ناکام تھیوݨ تے ݙوڄھا ایڈیشن پیش کیتے ، اپوزیشن دیاں بدحواسیاں توں لڳدے جو انہاں دا چیتا بھئوں ڳئے، وفاقی وزیر اطلاعات شبلی فراز
مضمون کا ماخذ : como jogar dupla sena
متعلقہ مضامین
