اسلام آباد۔27دسمبر(اے پی پی) د خزانې وفاقي وزارت وئيلي دي د روان مالي كال په مهال د قومي معيشت په بېلو اشاريو كښې ښكاره ښه والے رامخې ته شوے ٬ ترسيلات زر ٬ صادرات ٬ مجموعي بهرنۍ سرمايه كارۍ او د لويو صنعتونو په پېداوار كښې په زړه پورې زياتوالے او خساره كښې كمے راغلے ٬ په ګرانۍ قابو موندلو له حكومت بشپړ ګامونه پورته كوي او په دې لړ كښې نه يوازې دا چې مالياتي پالېسۍ جوړې كړې شوي بلكې د حكومت لخوا د خوراك په څيزونو د ريليف وركولو لړۍ هم روانه ده د كومو چې مثبتې نتيجې رامخې ته كېږي۔ د خزانې وزارت هيله څرګنده كړه چې د حكومتي اقدامات په نتيجه كښې به تجارتي توازن لا پياوړې شي۔ دا خبره د خزانې وزارت لخو د قومي معيشت په اړه جاري كړے مياشتنيز اپ ډېټ كښې وكړې شوه۔ د اقتصادي اپډېټ له مخې د تېر مالي كال په ډول د روان مالي كال اولنو څلورو مياشتو كښې د اقتصادي نمو رفتار روان پاتې شو۔ د روان مالي كال اولنو 5 مياشتو كښې د سمندر پورې پاكستانيانو په ترسيلات زر كښې د 9.7 فیصد شرحې سره زياتوالې ريكارډ كړے شو۔ د تېر كال په اولنو 5 مياشتو كښې دا 11.8 اربه ډالره ريكارډ كړې شوي وو كوم چې د روان مالي كال په مهال دومره موده كښې 12.9 اربه ډالره ته رسېدلي۔ د روان كال په مهال د هېواد صادرات كښې 28.9 فیصده نمو ريكارډ كړې شوه۔ دغسې د روان مالي كال په اولنو 5 مياشتو كښې د زرمبادله پنګو كښې په زړه پورې زياتوالې رامخې ته شو ٬ د تېر مالي كال په مهال تر 23 دسمبر د زرمبادله حجم 20.27 اربه ډالره ؤ كوم چې د روان كال په مهال په دومره موده كښې 23.96 اربه ډالره ته ورسېد۔ د وفاقي حكومت د كلن پرمختيائي پروګرام ترسېوري لاندې د فنډز په اجراﺀ كښې 250 فيصده نمو شوې ۔ د روان مالي كال په مهال په 3 مياشتو كښې وفاقي حكومت د 392.7 اربه روپو فنډز جاري كړل٬ د تېر مالي كال په مهال دا حجم 112 اربه روپۍ ؤ ۔ د شمېرو له مخې په دې موده كښې مالياتي خساره كښې كمې ريكارډ كړے شو۔ د مالياتي خسارې حجم 587 اربه روپۍ پاتې شو كوم چې د تېر كال په دومره موده كښې 775 اربه روپۍ وو۔ رپورټ كښې دا هم وئيلي شوي چې د نوو كمپنيو رجسټرېشن كښې د 1.52 فیصد شرح نمو شوې ۔ د جولائي نه تر نومبر مياشتې د 10395 کمپنیو رجسټرېشن شوے ۔ د تېر مالي كال په مهال دومره موده كښې د 10 زره 239 نوې كمپنيو رجسټرېشن ريكارډ كړے شوے ۔
د قومي معيشت په بېلو اشاريو كښې ښكاره ښه والے ٬ ترسيلات زر ٬ صادرات ٬ مجموعي بهرنۍ سرمايه كارۍ او د لويو صنعتونو پېداوار كښې په زړه پورې زياتوالے او خساره كښې كمے راغلے
مضمون کا ماخذ : نتیجہ بہت زیادہ
متعلقہ مضامین
