اسلام آباد 25 مارچ (اے پي پي) صدر مملكت ډاكټر عارف علوي په منطقه كښې امن او خوشحالې لپاره د پاكستان د عزم پخلې كولو سره وئيلي دي چې مونږ د پاكستان پشمول په ټوله منطقه كښې امن، سلامتيا او پرمختګ غواړو، د سوئيلي اسيا مشران دې د تعصب او مذهبي انتهاخوښې سياست ترك كړي، زمونږ د امن خواهش دې كمزوري ونه ګڼل شي، په دفاعي څانګه كښې د خود انحصارې منزل ته رسېدلي يو، يو موټې كېدو سره دې د اسلامو فوبيا مقابله وكړې شي. ده دا خبرې د پاكستان ورځې په مناسبت پرېډ ته د خاص مېلمه په توګه د وېنا كولو په مهال وكړې. صدر مملكت ووئيل چې د پاكستان د وسله والو ځواكونو پشمول دې ټول پاكستاني قوم ته د پاكستان ورځ مباركه شي. په پرېډ كښې د ګډون كوونكو دوست هېوادونو او هوابازانو مننه كوم. دا د دې خبرې دليل دے چې د پاكستان پرمختګ او خوشحالې لپاره دوست هېوادونه مونږ سره دي. ده ووئيل چې د پاكستان ورځ د هند مسلمانانو د جلا تشخص او د مذهبي آزادۍ د لوظ د پخلي ورځ ده. دا وړومبې جامع دستاوېز و چې په بنياد ئې د هندوستان د مسلمانانو د سباٶن او آزادۍ ټاكنه شوې. د علامه اقبال په افكارو او د قائداعظم په مشرې كښې په 7 كاله كښې پاكستان جوړ شو. صدر مملكت ووئيل چې علمي، اقتصادي، سياسي او په سماجي څانګو كښې پرمختګ سره سره په دفاعي څانګه ك ښې د خود انحصارې منزل ته رسېدلي يو. پاكستان اېټمي قوت دے. ده ووئيل چې زمونږ زړور او بهادر ځواكونه زمونږ د خوددارۍ او غېرت عكاس دي. د خوږ وطن دفاع لپاره د وسله والو ځواكونو قربانيو ته پېرزوينه وړاندې كوو. كه جنګ وي يا اړې ګړې، كورنۍ امن او امان وي ، حادثات يا قدرتي آفات ، وسله والو ځواكونو په هر صورتحال كښې د خوږ وطن په حفاظت او پرمختګ كښې مهم كردار ترسره كړے. صدر مملكت ووئيل چې د پاك پوځ ځوانان په غرونو، دشتو، دريابونو او فضاګانو كښې د هېواد دفاع لپاره شپه ورځ تيار دي. د پاكستان وسله والو ځواكونو د ترهګرې په ضد جنګ كښې كاميابي ترلاسه كړې. په ردالفساد عملياتو كښې په ټول هېواد كښې د ترهګرې نېټ ورك نېست و نابود كړے شو او نړۍ ئې ستائنه كوي. ده ووئيل چې نړۍ د كورونا وبا سره مخ ده. مونږ د خاص خبرتيا، نظم و ضبط او ذمه وارې سره د مزدور احساس كولو سره د دې وبا مقابله كړې. مونږ به ډېر زر په كورونا قابو بيامومو خو احتياط ضروري دے. ده ووئيل چې د هېواد د معيشت پرمختګ لپاره پوخ عزم لرو. د نړۍ حالات په تندې سره بدلېږي. د سائنس و ټېكنالوجۍ او په حرفت كښې پرمختګ سره سره د سفارت او معيشت په څانګو كښې په تندې سره بدلونونه راځي. مونږ ته خپل هېواد اسلامي ورثه، قومي نظريات او روايات په نظر كښې ساتلو سره پرمختګ او جدت كارولو سره اسلامي فلاحي جمهوري هېواد جوړول دي. ده ووئيل چې پرمختګ او خوشحالۍ لپاره يو موټې شئ. صدر مملكت ووئيل چې مونږ نېك نيت سره په منطقه كښې امن او خوشحالي غواړو، زمونږ دا خواهش دې زمونږ كمزوري ونه ګنل شي، د هر ډول جارحيت به پوره قوت سره ځواب وركوو. په هر قيمت به د آزادې دفاع كوو. صدر مملكت ووئيل چې په كشميري اولس په كېدونكو ظلمونو د پاكستان پشمول ټوله نړۍ اندېښنه لري. دا انساني الميه جوړه شوې. د 5 اګست كال 2019م او د دې نه پس اقدامات د ملګرو ملتونو د منشور، د سلامتي كونسل د قراردادونو جو د شريكو لوظنامو څرګنده خلاف ورزي ده. د ملګرو ملتونو په قراردادونو كښې كشمير لانجمنه سيمه تسليم كړې شوې. په سوئيلي اسيا كښې پوخ امن د كشمير مسئلې حل سره تړون لري. ټول قوم كشميريانو سره دے او دوي سره به ولاړ وي. په دې كښې هېڅ شك نشته چې كشمير د پاكستان شه رګ دے. په هر فورم به كشمريانو لپاره غږ پورته كوو. دوست هېوادونه، نړيوال طاقتونه او نړيواله ټولنه دې د كشمير د سنګين صورتحال نوټس واخلي او په سيمه ايز امن باوري كولو كښې دې خپل كردار ترسره كړي. ده ووئيل چې چين زمونږ رښتينې او حقيقي دوست دے. دا دوستي د معيشت او سفارتكارې پشمول په بېلا بېلو څانګو كښې د شركت او مرستې د لارې لا قوي شوې. د دواړو هېوادونو ترمېنځه د اقتصادي لارې پشمول په تعليم او طب كښې مرسته مهمه ده. د چين لخوا د كورونا واكيسن په وركړه مننه كوو. ده ووئيل چې په افغانستان كښې امن لپاره پاكستان ډېرې ځاني او د وسيلو قربانې وركړې دي. پاكستان په افغانستان كښې امن غواړي او په دې لړ كښې ئې هر ډول مرسته كړې او نړۍ ئې اعتراف كوي. مونږ سعودي، تركيې، خليجي او د مېنځنې اسيا هېوادونو سره د دوستې، مذهب او كلتور اړيكې لرو. ده ووئيل چې خپل اختلافات هېرولو سره دې د مسلمانانو ترمېنځه اتحاد او د اسلامي مرستې تنظيم قوي كړے شي. متحد كېدو سره دې د اسلامو فوبيا مقابله وكړې شي. پاكستان به په دې لړ كښې خپل كردار ترسره كوي. پاكستان مقدم ساتلو سره د قانون حكمرانې او فروعي اختلافات يو خو ته كولو سره مقاصد او اهداف ترلاسه كېدے شي. ده ووئيل چې په اوسني وخت كښې د سائبر سپېس او مصنوعي ذهانت حېرانوونكې پرمختګ او اثرات منل شوے حقيقت دے، پرمختګ لپاره د دې جديد تقاضو سره هم آهنګ كېدل ضروري دي. د وسله والو ځواكونو، سائنسدانانو او انجينئرانو په خوارۍ پاكستان په هغو يو څو هېوادونو كښې شامل دے كوم چې نه يوازې په دفاعي پېداوار كښې خودكفيل دي بلكې برآمدات هم كوي. يو قوم يو منزل ته رسېدو لپاره به مونږ ته دا لوظ كول وي چې لكه څنګه مو متحد كېدو سره د آزادۍ منزل ترلاسه كړے و هم داسې به د پرمختګ او خوشحالې منزل ته هم رسو.
مونږ د پاكستان پشمول په ټوله منطقه كښې امن، سلامتيا او پرمختګ غواړو، د سوئيلي اسيا مشران دې د تعصب او مذهبي انتهاخوښې سياست ترك كړي، زمونږ د امن خواهش دې كمزوري ونه ګڼل شي. د صدر مملكت ډاكټر عارف علوي د پاكستان ورځې په مناسبت پرېډ ته وېنا
مضمون کا ماخذ : اسکریچ کارڈ جیتنے کے طریقے
متعلقہ مضامین
