اسلام آباد 18 جون (اے پي پي) د منصوبه بندې، پرمختګ او خاص اقداماتو وفاقي وزير احسن اقبال وئيلي دي چې د منصوبه بندې وزارت به بلوچستان لپاره د تعليم او پرمختګ په څانګو كښې پروژې په تندې سره عملي كولو لپاره مكمل مرسته كوي كومې چې په تېر وخت كښې نظرانداز كړې شوې دي. ده دا خبرې د بلوچستان زده كوونكو سره د ملاقات په مهال وكړې كوم چې وفاقي وزير په خاص توګه وزارت ته رابللي وو. په دې موقع وفاقي وزير احسن اقبال د بلوچستان د بېلا بېلو ضلعو د زده كوونكو ستونزې واورېدې او د دې زر ازالې لپاره ئې دوي ته باور وركړو. په دې موقع د لوړو زده كړو كميشن لنډمهاله مشره ډاكټر شائسته سهېل هم موجود وه. د خالي په ورځ د منصوبه بندې وزارت لخوا په جاري شوي بيان كښې وئيلي شوي دي چې دا ملاقات د درې ساعتونو نه زيات روان وو او پكښې د بلوچستان د بېلا بېلو پوهنتونونو زده كوونو د ميعاري لوړو زده كړو په اړه په ستونزو د خپلو خيالاتو څرګندونه وكړه. د دې ملاقات بنيادي مقصد د زده كوونكو ستونزې اورېدل او د دې فوري حل لپاره اقدامات كول و. وفاقي وزير د زده كوونكو د خيالاتو ستائنه كولو سره دوي ته د بشپړه مرستې باور وركړو. په دې موقع وفاقي وزير احسن اقبال ووئيل چې د منصوبه بندې وزارت به بلوچستان لپاره د تعليم او پرمختګ په څانګو كښې پروژې په تندې سره عملي كولو لپاره مكمل مرسته كوي كومې چې په تېر وخت كښې نظرانداز كړې شوې دي. پروفېسر احسن اقبال زده كوونكو ته ووئيل چې دوي دې الرټ پاتې كېدو سره د رياست په مخالف شكمنو چارو نظر وساتي. ده زده كوونكو ته ووئيل چې په افغانستان كښې مو د پراكسي وار نتيجې كتلې دي، د ځوانانو دا ذمه واري ده چې دوي خپل ملګري زده كوونكي د رياست مخالف عناصرو د ناوړه پروپېګنډې د استحصال څخه خبر كړي.
د منصوبه بندې، پرمختګ او خاص اقداماتو وفاقي وزير احسن اقبال سره د بلوچستان زده كوونكو ملاقات وكړو
مضمون کا ماخذ : سشی ایکسپریس
متعلقہ مضامین
