زیاتیدونکې يخنۍ سره د کورونا كېسونو زياتېدو هم اندېښنه ده۔ لاریون کوؤنکي د اولس ژوند خطر سره مخ كوي۔ وزيراعظم عمران خان
اسلام آباد۔10دسمبر(اے پی پی)وزیراعظم عمران خان وئيلي دي د کورونا وضعیت مقابله به د يو ملت په حېث كول وي۔ د زیاتیدونکې يخنۍ سره د کورونا زياتې خپرېدو هم اندېښنه ده۔ لاریون کوؤنکي د اولس ژوند خطر سره مخ كوي۔ لاريونونه دوه درې مياشتې وروستو هم كېدې شي۔ د دې لاريونو كوم اغېز په حكومت نشته۔ د پي ډي اېم لاريونونو د لاسه ملتان كښې 64 او پېښور كښې 40 فيصده كورونا رنځورانو له روغتون كښې بېل كړي كټونه ډك شوي۔ كله چې زيات خلق راجمع كېږي نو كورونا به تندۍ سره خپرېږي۔ اولس دې ځان د كورونا نه ساتلو له احتياطي تدبيرونه خپل كړي۔ د دې خيالاتو څرګندونه هغه د زيارت په ورځ د كورونا صورتحال په اړه د قومي رابطه كمېټۍ غونډې نه وروستو ميډيا سره خبرو كښې وكړه۔ په دې موقع د منصوبه بندۍ وفاقي وزير اسد عمر، د اطلاعات او خپرونو وفاقي وزير سېنېټر شبلی فراز، روغتيا لپاره د وزيراعظم خاص مرستيال ډاكټر فېصل سلطان او د تخفيف غربت او سماجي تحفظ د وزيراعظم خاص مرستياله ډاكټر ثانيه نشتر هم موجود وه۔ وزیراعظم عمران خان ووئيل د كورونا دويمه چپه كښې به د يو ملت په حېث په ګډه احتياطي تدبيرونه خپلول وي۔ كه احتياط ونه كړے شو نو روغتونونو كښې به د رنځورانو شمېره زياته شي او دغلته به د نورو رنځورانو ځاے پاتې نه شي۔ده ووئېل د پي ډي اېم لاريونونو د لاسه ملتان كښې 64 او پېښور كښې 40 فيصده د كورونا رنځورانو له روغتون كښې بېل شوي كټونه ډك شوي۔ هغه ووئيل نن هېواد كښې صورتحال دا دے چې په 40 فيصده كټونو د كورونا رنځوران پراته دي نو دې نه دا اندازه لګېدے شي چې كه د كورونا رنځورانو دا شرح دغسې روانه پاتې شوه نو په دې دويمه چپه كښې به روغتونونه ډك شي۔ هغه ووئيل مونږ له به احتياط كول وي او تر ټولو زيات احتياط ماسك اچول دي ولې چې دې سره د جراثيمو د خپرېدو امكانات ډېر كمېږي۔ هغه ووئيل لاريونونه دوه درې مياشتې پس كولو سره د اولس ژوند خطر څخه بچ كېدے شي۔ وزیراعظم ووئيل شادي هالز ٬ سكولونه او هوټلې بندې كړې شوي۔ علماﺀ كرامو سره مو خبره كړې چې يو اړخ ته تاسو جوماتونو كښې د احتياطي تدبيرونو خبره كوۍ او بل اړخ ته لاريونونه روان دي۔ په ټوله نړۍ كښې د كورونا په دويمه چپه كښې په اېس او پيز عمل كول ګران شوي۔ هغه ووئېل اروپا كښې هم وګړي ددې مزاحمت كوي۔ په اېس او پيز عمل كولو هغوي ستړې كړې دي۔ هغه ووئيل هند كښې 150 زره نه زيات كسان مړه شوي۔ دغلته حالات ډېر ناوړه دي۔ دغسې د ايران حالات هم ډېر خراب دي۔ مونږ له به دې حالاتو كښې د خپل ځان حفاظت پخپله كول وي۔ هغه ووئيل د لاريونونو د لارې كه په ما د فشار اچولو هڅه كولې شي نو دا ما كوم فشار سره نه مخ كوي بلكې دوي د خلقو د ژوند سره لوبې كوي او د خلقو ژوند خطر سره مخ كوي۔ هغه ووئيل په ګرده نړۍ كښې يخنۍ كښې د كورونا دويمه چپه راغلې۔ د كورونا صورتحال سره به زمونږ ډاكټرانو ٬ نرسانو ٬ مشرانو او وړاندې نه رنځورانو ته مسئلې رامخې ته شي۔ هغه زياته كړه چې د دې ټولو ستونزو نه بچ كېدو له اولس ته خواست كوم چې احتياط وكړي او په احتياطي تدبيرونو عمل وكړي۔
د کورونا وضعیت مقابله به د يو ملت په حېث كول وي۔
مضمون کا ماخذ : لاٹری آن لائن خریداری
متعلقہ مضامین
